Edhe pse nuk mund ta ndalojmë trupin të plaket, sigurisht mund të bëjmë diçka për të ngadalësuar këtë proces. Zgjidhja për t’i thënë lamtumirë rrudhave nuk është gjithmonë ndërhyrja kirurgjikale. Bright Side ka renditur disa truke që ju vijnë në ndihmë për të luftuar procesin e plakjes, shkruan abcnews.al.
Përfshini boronica në dietën tuaj
Lëkura jonë fillon dhe plaket për shkak të procesit të quajtur si dëmtimi oksidativ i ADN-së, por mund të ngadalësohet nëse konsumoni rregullisht boronica. Ata janë të pasura me antioksidantë, prandaj duhet t’i përfshini në dietën tuaj ditore,
Kufizoni konsumin e sheqerit.
Sipas një studimi të kryer së fundmi, konsumi i sheqerit përshpejton plakjen dhe ndihmon në krijimin e rrathëve të zinj, dehidrimit dhe rrudhave. Eksertët këshillojnë që njerëzit duhet të kufizojnë marrjen e sheqerit dhe të shmangin ushqimet dhe pijet e ëmbla sa më shumë që të munden.
Mos flini me fytyrën e mbështetur në jastëk
Sipas studimeve, zakoni i gjumit me fytyrën e mbështetur në jastëk shkakton rrudha. Prandaj, duhet të flini më mirë me shpinë për të shmangur shenjat e hershme të plakjes.
Mbani në kontroll nivelin e kalciumit.
Përveçse është shumë efektiv për kockat, kalciumi luan një rol jetësor edhe kundër plakjes së parakohshme.
Konsumoni sa më shumë çaj jeshil.
Konsumimi i çajit jeshil rregullisht e bën lëkurën më të shëndetshme. Gjithashtu qetëson skuqjen dhe irritimin e lëkurës sepse ka veti anti-inflamatore. Mund ta përdorini edhe për rradhët e zinj poshtë syve.
Bëni një dush sa më të shkurtër
Për ta mbajtur plakjen sa më larg, duhet t’ju thoni lamtumirë dusheve të nxehta. Qëndrimi për një kohë të gjatë në dush e dëmton lëkurën dhe e bën më të thatë.
Mbroni veten nga dielli.
Dielli luan një rol të madh në përshpejtimin e plakjes dhe sa më shumë që ekspozoheni ndaj rrezeve, aq më shumë jeni të rrezikuar nga plakja e parakohshme. Përdorni krem kundër diellit çdo ditë.
Meditoni dhe shmangni stresin.
Stresi i tepërt dhe ankthi nxisin procesin e plakjes. Meditoni, pasi ky proces relakson nervat dhe çliron hormonet e lumtura në trup, të cilat ju bëjnë të ndiheni më mirë. /abcnews.al/
