Sulmuesi i PSG-së, Angel Di Maria, nuk u grumbullua në kombëtaren argjentinase për ndeshjet kualifikuese të botërorit 2022. Vendimi i trajnerit Lionel Scaloni nuk i pëlqeu aspak argjentinasit, i cili shpërtheu me deklaratat e tij për mediat.
Kujtojmë që argjentinasi pati deklaruar se nëse ai nuk është grumbulluar, atëherë përse në kombëtare ndodhet Lionel Messi sepse ata janë pak a shumë e njëjta moshë. Gjithsesi ka ardhur një reagim nga tekniku Scaloni, i cili mesa duket nuk ia ka vënë veshin dhe aq shumë fjalëve të Di Marias.
“Nuk jam aspak i shqetësuar sepse ai është i inatosur. E vlerësoj atë si lojtar, por ne mbas Kupës së Amerikës kemi zhvilluar plot gjashtë ndeshje pa të. Ekipi punon pa Di Marian dhe unë nuk do ta grumbulloj atë. Ai është jashtë këtyre ndeshjeve, por kjo nuk do të thotë që nuk do të luaj më për Argjentinën,” shpjegon tekniku për Radio “Rivadavia”. /abcnews.al
