Shteti është kornizë ligjore, diktatura sipas studiuesit Çelo Hoxha funksionoi në mënyrë të paligjshme për 50 vite. Hoxha përmes një studimi të hollësishëm botuar në revistën Memoria, organ i Institutit të Krimeve dhe Pasojave të Komunizmit fakton paligjshmërinë e Partisë Komuniste. Hoxha thotë se është e rëndësishme që të zhbëhet miti i krijuar artificialisht se gjatë diktaturës kishte shtet.
Më 1946 kuvendi popullor miratoi një ligj që lejonte krijimin e partive politike. Në bazë të këtij ligji, partitë duhej të regjistroheshin, Partia Komuniste nuk e bëri as këtë akt juridik thekson Çelo Hoxha.
Sipas studiuesit Byroja politike në mënyrë të jashtëligjshme, propozonte buxhete, shkarkonte dhe emëronte ministra. Në të njëjtën kohë edhe Sigurimi i Shtetit ishte i paligjshëm sipas Hoxhës.
Qëllimi kryesor i këtij studimi është zbardhja e krimeve e pasojave të komunizmit si dhe rrëzimi i mitit sikur asokohe shteti ishte shtet. /abcnews.al/
