Emiljano Çela, trajneri i Kastriotit, para ndeshjes së nesërme kundër Tiranës, ka folur me superlativa për kundërshtarin. “Tirana ka në tërësi gjithë ekipin e mirë, jo vetëm sulmuesit. Është ekip që luan shumë mirë, më pëlqen si ekip, është shumë i rrezikshëm. Ata dalin para me pak stacione kur duan, por edhe me shumë.
Është ekip i paparashikueshëm dhe mendoj që është akoma më i rrezikshëm sesa kur erdhi në fazën e tretë në Kamëz. Tani janë jashtë çdo presioni psikologjik, nuk kanë trysni, pasi mendoj që objektivat i kanë arritur. Ndaj duhet shumë punë nga ana jonë që të dalim me diçka nga kjo ndeshje”, tha Ccela.
“Kaina ka qenë faktor tek ekipi ynë në këto dy faza, është një lojtar shumë i rëndësishëm. Gjithsesi mos të harrojmë që Kainën po e zëvendëson mjaft mirë Ajazi.
Ai është një lojtar shumë i mirë, është lojtar gjithashtu shumë i rëndësishëm i joni. Sa herë kemi kërkuar ndihmën e tij, ai ka bërë mirë. Kështu që kam besim absolut që do dijë të bëjë mirë edhe në këtë ndeshje”, u shpreh trajneri i Kastriotit. / abcnews.al
