Ceferin e krahasoi ligën saudite me ligën kineze, e cila gjithashtu tërhoqi disa yje futbolli pak vite më parë.
“Arabia Saudite nuk është një kërcënim, ne kemi parë një qasje të ngjashme në Kinë duke sjellë lojtarë në fund të karrierës së tyre duke u ofruar atyre shumë para. Futbolli kinez nuk është zhvilluar, as Kina nuk është kualifikuar në Kupën e Botës. Kjo nuk është mënyra e duhur për ta bërë këtë. Ata duhet të zhvillojnë lojtarë dhe trajnerë, por ky nuk është problemi im”, tha Ceferin.
Kreu i UEFA-s theksoi se lojtarët e famshëm nuk shkuan në Arabinë Saudite kur ishin në kulmin e tyre.
“Lojtarët në fund të karrierës së tyre shkuan atje, si dhe ata që nuk janë aq ambiciozë për të aspiruar garat kryesore. Me sa di, Kylian Mbappe dhe Erling Haaland nuk e ëndërrojnë Arabinë Saudite. Nuk besoj se lojtarët më të mirë në kulmin e karrierës së tyre duan të shkojnë në Arabinë Saudite. Kur flas me njerëzit për lojtarët që shkuan atje, askush nuk e di se ku luajnë ata në të vërtetë”, shtoi ai.
Ceferin tha se ai nuk e sheh Arabinë Saudite si konkurrente në turnetë e UEFA-s.
“Kjo është kryesisht në interes të medias, jo të komunitetit evropian të futbollit. Ne do të shohim, por unë nuk shoh një kërcënim për kompeticionet tona,” ishte i qartë presidenti i UEFA-s.
Në javët e kaluara, ka pasur zëra se klubet saudite mund të marrin pjesë në Champions League, por asgjë nuk do të ndodhë.
“Mediat po flasin për këtë, pa folur me ne. Vetëm klubet evropiane mund të marrin pjesë në Ligën e Kampionëve, Ligën e Evropës dhe Ligën e Konferencave,” tha Ceferin.
Të njëjtin qëndrim ka edhe kur bëhet fjalë për ndeshjen eventuale të finales së Champions League në SHBA.
“Vetëm federatat evropiane mund të jenë kandidate për organizimin e finales, madje as klubet. Ne duhet të ndryshojmë rregullat dhe ne nuk e duam këtë”, përfundoi Ceferin./ h.ll/abcnews.al
