Sulmuesi i PSG-së, Edison Cavani, është gjithmonë e më pranë largimit nga gjigantët francezë. Uruguaiani e ka humbur vendin e titullarit që nga ardhja e Mauro Icardit në skuadër. Për shërbimet e tij janë të interesuar Tottenham dhe Atletico Madrid, madje dhe mamaja e Cavanit e ka konfirmuar se madrilenët janë shumë pranë transferimit të djalit të saj.
Nëse Cavani largohet në këtë merkato, atëherë drejtuesit e klubit francez do të futen menjëherë në merkato për të gjetur zëvendësuesin e tij. Mediat në Francë raportojnë se PSG po monitoron situatën e kapitenit të arsenal, Pierre-Emerick Aubameyang. Lojtari nga Gaboni ka kërkuar largimin nga Londra dhe një ofertë nga Parisi mund ta tundojë atë.
Në listën e kampionëve në fuqi të Ligue 1 janë dhe Islam Slimani dhe Luka Jovic. Të dy sulmuesit nuk kanë kaluar sezon të mirë në ekipet e tyre, respektivisht tek Leicester City dhe Real Madrid. Vëmendja më e madhe është drejtuar tek Aubameyang, i cili e njeh dhe kampionatin francez pasi në të kaluarën e tij ka luajtur për AS Saint-Etienne. /abcnews.al
