Antonio Conte për momentin është i papunë, por kjo nuk do zgjasë shumë sepse ai pritet të bashkohet me një tjetër klube të madh. Real Madrid është favoriti për të fituar shërbimet e tij, por edhe PSG është një mundësi.
Në lidhje me këtë çështje së fundmi ka folur ish-sulmuesi i Italisë dhe Interit, Antonio Cassano. Ai për Bobo TV, ka kritika për Conten për marrëdhënien që krijon me klubet dhe shton se Real Madrid është e vetmja mundësi për të.
“Conte ka pasur gjithmonë probleme me pas disa vitesh në klubet ku ka punuar. Nuk e di çfarë ndodh, por nuk mund të jetë rastësi që ndodh gjithmonë kështu dhe klubet nuk i plotësojnë kushtet e tij. Për mendimin tim opsioni i vetëm për Conten është Real Madrid.
Aventura e tij te Inter ishte pozitive, duke fituar titullin në vitin e dytë. Nuk mendoj se Conte mund të shkojë te PSG sepse ata nuk kanë lojtarët për filozofinë e tij dhe nuk kanë mentalitetin e futbollit të Contes. Zidane është perfekt për PSG”, u shpreh Cassano. /abcnews.al
