Legjenda e futbollit anglez, Jamie Carragher, ka analizuar për mikrofonin e Sky Sport rikthimin e Jose Mourinho në Premier League, me strategun portugez që do të drejtojë skuadrën e Tottenham. Analisti tha se tifozët e Tottenham duhet të mësohen të shikojnë futbollin e Mourinhos, pavarësisht se mund të jetë një “futboll i shëmtuar”.
“Do të ketë disa tifozë të shqetësuar për shkak se Mourinho ka një stil loje shumë ndryshe nga Pochettino dhe do t’iu duhet të mësohen me një stil të ri, ndoshta më të shëmtuar”, tha fillimisht Carragher. “Mourinho nuk e ndryshon stilin e ka, ka një mënyrë të veçantë sesi i rreshton skuadrat e tij dhe fiton trofe. Nuk mendoj se Tottenham është në krizë. OK, janë në vend të 14-të, por kanë vetëm 3 pikë më pak se vendi i pestë”.
“Mourinho do t’i riktheje në vendet e para, të luftojnë për një vend në Champions League. Por nëse tifozët nuk mësohen me futbollin që Mourinho sjell, do të përsëritet e njëjta situatë si te Manchester United, ku ishin tifozët ata që sollën shkarkimin e tij”./abcnews.al
