Një 68 vjeçar nga Pella, Greqi, vdiq një ditë pasi mori dozën e dytë të vaksinës Pfizer. Por sipas avokatit të familjes, shkaku i vdekjes nuk dihet ende.
Avokati Antonis Xylourgidis, tha se burri u vaksinua 4 Maj dhe ndërroi jetë me 5 Maj. Ai kishte të vjella dhe dhimbje në kraharor, në të njëjtën ditë që u vaksinua me Pfizer.
68 vjeçari u dërgua në spital, ku qëndroi për 3-4 orë, dhe iu nënshtrua të gjitha ekzaminimeve. Më pas doli nga spitali. Por sipas avokatit, ai përjetoi të njëjtat simptoma dhe më pas vdiq. Anëtarët e familjes nuk kanë bërë përgjegjës spitalin apo vaksinën për vdekjen e 68 vjeçarit por kërkojnë të dinë shkakun e vdekjes./abcnews.al
