Një amerikan zgjidhi problemin e jetës së tij duke vendosur të jetonte përgjithmonë në një anije turistike. Burri nga Florida, SHBA, e kishte të pamundur që të përballonte çmimet e shtrenjta të qirave dhe gjeti një mënyrë më të lehtë.
Ryan Gutridge, megjithatë, ka gjetur zgjidhjen dhe jeton 300 ditë në vit në një anije turistike. Madje, ai shpjegoi se kostoja nuk është aq e madhe dhe është shumë më lirë se pagesa e qirasë së shtëpisë së bashku me faturat.
Sigurisht që edhe puna e tij i mundëson ta bëjë këtë pasi ka aftësinë të punojë në distancë nga detet. Ndërsa shumica e njerëzve e kanë lidhur lundrimin me pensionistët që mund të jenë larg shtëpisë për periudha të gjata kohore, ai pretendon se është një mënyrë jetese e shkëlqyer dhe me kosto efektive.
“Unë punoj në IT si një inxhinier i zgjidhjeve cloud dhe fillova të punoj në telekomunikacion në 2012”, tha ai. “Por për shkak të pandemisë, ekipi im ishte në gjendje të punonte nga shtëpia dhe të hynte në të dhënat që u duheshin nga kudo,” vazhdoi ai.
“Në atë kohë, linjat e lundrimit nuk kishin njoftuar se kur ose nëse do të ktheheshin. Mendova se nëse do të ktheheshin, do të doja të provoja ta merrja punën time me vete në një lundrim të shkurtër. Doja të shihja se si do të funksiononte WiFi dhe nëse mund të aksesoja elementë të caktuar të punës sime shumë të sigurt”, shpjegoi Ryan.
Kështu që në verën e vitit 2021 ai rezervoi dy lundrime katër netësh në Royal Caribbean’s Freedom of the Seas dhe vazhdoi të dyja në shtator. “Gjithçka shkoi mirë dhe që atëherë, unë kam qenë në një lundrim pothuajse çdo javë, përveç disa javësh kur jam me pushime”.
Përpara se të merrte vendimin për të jetuar përgjithmonë në një anije lundrimi, Ryan bëri disa kërkime dhe kuptoi se ishte një marrëveshje më e mirë sesa qiratë që kërkonte në Florida. Siç përmendi ai, në anijen turistike kishte wiFi dhe pije falas në mënyrë që të kursente para për shpenzime të tjera./abcnews.al
