Sulmuesi shqiptar në pronësi të Chelseat, Armando Broja kishte shprehur ambiciet e tij të mëdha në futboll edhe para një viti dhe tani kur është i huazuar në Chelsea në Southampton ka filluar të jap sinjale të rëndësishme se është në rrugën e duhur për ta realizuar ëndrrën e tij.
Chelsea ka shpresa se Armando Broja mund të jetë një nga talentët e ardhshëm që ka dalë nga akademia e tyre edhe pse ai nuk e nisi në mënyrën më të mirë aventurën e tij te Southamptoni. Me dy gola të shënuar në dy ndeshjet e tij të fundit, Broja po dëshmon se i është dashur të pres dhe të durojë shumë për të nisur shpërthimin e tij.
“Blutë” e Londrës zgjodhën ta dërgonin Brojën në huazim, pavarësisht tre golave që i shënoi në tri ndeshje për skuadrën e trajnerit Thomas Tuchel gjatë përgatitjeve parasezonale, pas rikthimit të suksesshëm të Romelu Lukakut në klub, përcjellë KosovaPress.
Oferta e huazimit të Southamptonit u pranua shpejt me shqiptarin e lindur në Angli që zëvendësoi Danny Ings-in dhe u vendos për të konkurruar me Che Adams dhe Shane Long në fazën sulmuese. Prezenca e këtyre dy sulmuesve si dhe e Daniel Amstrongit bënë që Broja të kufizohet në paraqitjet e tij.
“Ai ishte një startues i ngadalshëm, por në tre javët e fundit është mbresëlënëse se sa shpejt mëson dhe sa shpejt dëshiron ta bëjë më mirë”, tha trajneri i Southamptonit në fillim të shtatorit.Teksti vazhdon pas reklamës
“Kam pasur disa biseda shumë serioze me të për t’i thënë se çfarë dua të shoh dhe ai ka qenë paksa i ngadalshëm, mendoj se duhet ta shtyni pak, dhe tani ai po lëviz në drejtimin që unë dua të shoh dhe definitivisht ka treguar cilësitë e tij që ka deri më tani në këtë moment. Kjo është shumë pozitive për mua.”, shtoi ai.
Por, Broja nuk është i panjohur për vështirësitë e tij, sepse njëjtë kishte luftuar edhe në sezonin e tij të parë me Chelsean U-18 përpara se të bëhej talenti më emocionues sulmues i akademisë në Cobham.
Nëse Broja mund të arrijë një numër dyshifror të golave dhe të fitojë minuta të rregullta në bregun jugor, ai mund të kthehet te Chelsea verën e ardhshme.
Duke folur për “Goal” sezonin e kaluar, ai pranoi se ambicia e tij ishte të bëhej Didier Drogba i ardhshëm: “Unë dua të përpiqem të kaloj Drogban. Mund të mos jetë e lehtë, por ky është mentaliteti im dhe si ndihem”, kishte deklaruar Broja.
Nuk do të jetë e lehtë, por Broja ka bërë gjithçka siç duhet deri tani.
Fatkeqësisht, ai nuk do të përballet me Chelsean sonte për shkak të kushteve të marrëveshjes së tij të huazimit, ndeshje kjo e cila fillon nga ora 20:45.
