Që kur Todd Boehly mori drejtimin si bashkëpronar i Chelsea, “Blutë e Londrës” kanë shpenzuar mbi një miliard euro në tregun e transferimeve, megjithatë, rezultatet vazhdojnë të jenë tepër modeste, teksa edhe këtë vit, skuadra londineze është larg Evropës, aktualisht në vendin e dymbëdhjetë në renditje, që do të thotë se londinezët nuk do të marrin pjesë në asnjë nga tri kompeticionet e UEFA-s sezonin e ardhshëm.
Pas një fushate të shfrenuar blerjesh nga ana e Chelsea-t, me një bilanc që është pak të thuash negativ, Premier League po heton për të kuptuar nëse janë respektuar të gjitha rregullat dhe për të mos marrë sanksione, siç ndodhi me “Blutë” e Everton dhe skuadrën e Nottingham Forest, klubi londinez është gati të shesë një skuadër të plotë verën e ardhshme.
