Sulmuesi i talentuar shqiptar, Armando Broja, debutoi me Chelsea në Premier League këtë sezon dhe konsiderohet si një ndër talentët më të mirë të akademisë blu. Në profilin e tij zyrtar në Instagram, Broja iu përgjigj dysa pyetjeve të bëra nga fansat.
“Hudson-Odoi dhe Abraham janë lojtarë të shkëlqyer, unë mësoj shumë nga ata të dy. Lojtari im i preferuar është Cristiano Ronaldo. Më pëlqen mënyra si stërvitet dhe si luan në fushë.
Kam luajtur me shumë lojtarë të shkëlqyer, por Eden Hazard është më i miri nga të gjithë. Debutimi im me Chelsea? Ndjenja më e bukur në botë për një futbollist të ri. Lojtari im i preferuar i të gjitha kohërave është Ronaldo Fenomeni”, ishin disa nga përgjigjet e Brojës./abcnews.al
