Policia ka reaguar në lidhje me ngjarjen e rëndë sot në Darragjat të Shkodrës, ku dy persona të maskuar ndaluan në rrugë dhe qëlluan me breshëri automatiku ndaj makinës së 49 vjeçarit Alban Luka.
Policia bën me dije se nuk ka dëme në njerëz, përveç shkatërrimit të makinës prej plumbave.
Lexo edhe: E ulën në gjunjë, pastaj zbrazën karikatorin drejt makinës: Si ndodhi ngjarja e rëndë në Shkodër
Mëngjesin e sotëm, dy persona të maskuar ndaluan nën kërcënimin e armës 49 vjeçarin Alban Luka. Pasi e kanë ulur në gjunjë, ata kanë qëlluar me breshëri ndaj makinës.
Policia dyshon se bëhet fjalë për një paralajmërim ndaj 49 vjeçarit.
Njoftimi i policisë
Me datë 27.06.2020, rreth orës 06:15, shtetasi A.L, 49 vjeç, banues në fshatin Darragjat, ka njoftuar Sallën Operative se në vendin e quajtur fshati Darragjat, Shkodër, është qëlluar me armë zjarri në drejtim të mjetit të tij, e si pasojë nuk ka persona të dëmtuar por vetëm dëme materiale.
Në vendin e ngjarjes ndodhen shërbimet e Policisë dhe grupi hetimor për sqarimin e rrethanave të kësaj ngjarje. /abcnews.al
