Ditën e sotme qarkulluan lajme se në fund te sezonit do të largohet Dritan Mehmeti nga drejtimi i Partizanit dhe vendin e tij pritej ta zinte ish-trajneri i Vllaznisë, Thomas Brdaric.
Pas ndeshjes që demat fituan me Dinamon 3-1, tekniku Mehmeti u ngacmua për këtë temë, por “timonieri” i të kuqve “devijoi” duke u shprehur se për momentin është i përqendruar vetëm tek ndeshjet.
Por ndërkohë, në studion e “Gol pas Goli” është lexuar një SMS që mbërriti në ato çaste nga presidenti i të kuqve, Gazment Demi.
“Mehmeti është trajneri im”, ishin fjalët e numrit një të kuqve. Një konfirmim se klubi pritet të vazhdojë me teknikun në drejtim, në Europë apo në sezonin e ardhshëm, duke i besuar projektin e ri. /f.a/abcnews.al
