Pak ditë pas shfaqjes së tij në Meksikë, nën shoqërinë e të dashurës së tij të re Ines de Ramon, shtypi i huaj është sërish i fokusuar tek aktori i njohur dhe këtë herë shkak është bërë karriera dhe punët e tij profesionale. Brad Pitt ka shitur aksionet e tij më të mëdha në kompaninë e prodhimit të filmit, Plan B.
Shirtless Brad Pitt sunbathes with topless Ines de Ramon on Cabo trip https://t.co/ZZFn8LHvve pic.twitter.com/FhEXt0PQuz
— Page Six (@PageSix) January 3, 2023
Kjo lëvizje e tij nuk kalon pa u vënë re, ku shumica e njerëzve flasin për fundin e karrierës së aktorit hollivudian. Plan B u themelua nga Pitt me të dashurën e tij të dikurshme Jennifer Aniston dhe ai zotëronte 60% të kompanisë së prodhimit të filmit.
Sipas burimeve, Pitt tani dëshiron të jetojë një mënyrë jetese më të qetë, larg syve të publikut dhe ndoshta sapo ka hedhur hapin e parë drejt fillimit të jetës së tij në pension. Page Six raporton gjithashtu se Brad synon të vazhdojë të aktrojë në role që e emocionojnë atë, por jo të marrë pjesë në ndonjë sipërmarrje biznesi.
Për më tepër, një lëvizje e tillë ka shumë të ngjarë të tregojë se aktori po largohet nga Hollivudi dhe po përgatitet për një jetë të përhershme në Francë, ku mban edhe pasurinë e njohur Château Miraval, për të cilën është në mosmarrëveshje ligjore me ish-bashkëshorten e tij Jolie.
Megjithatë, janë disa projekte që janë në listën e Pitt, si filmi “Formula 1” që ai po përgatit me Lewis Hamilton./abcnews.al
