NATO nuk mund të lejojë të injorojë rolin që Kina dhe Koreja e Veriut po luajnë në luftën e Ukrainës, ka paralajmëruar shefi i politikës së jashtme të BE-së, Josep Borrell.
Ai përmendi “miqësinë e pakufizuar” të Kinës dhe Rusisë dhe tha se Koreja e Veriut është “një nga furnizuesit më të rëndësishëm të mjeteve luftarake për Rusinë”.
Duke pasur parasysh këtë, ai shtoi se NATO do të diskutojë me aleatët e saj në zonën Indo-Paqësorit se si NATO dhe vendet europiane mund të ndihmojnë në stabilitetin e rajonit.
Presidenti i Rusisë, Vladimir Putin, është takuar këtë vit me udhëheqësit e Kinës dhe Koresë së Veriut. Ai udhëtoi në Kinë në maj, ku Xi Jinping mirëpriti ngrohtësisht mikun e tij të vjetër.
Muajin pasues, Putin vizitoi Phenianin, ku ai dhe Kim Jong Un deklaruan se marrëdhënia e tyre ishte në “një nivel të lartë”.
/abcnews.al
