Loading ...
Interesat e bonove të thesarit kanë shënuar një tjetër rënie. Në ankandin e fundit të Bankës së Shqipërisë rezultoi se yeldi mesatar i ponderuar për bonot me afat maturimi 12 mujor zbritën në 3.11% nga 3.15% që ishin në raport me ankandin e zhvilluar në gusht.
Me këto norma po i afrohen niveleve më të ulëta përgjatë dy viteve të fundit. Kërkesa e investitorëve ishte shumë më e lartë se ankandi i mëparshëm por edhe se shuma e shpallur nga Ministria e Financave prej 6.5 miliardë lekë. Shuma e kërkuar nga investitorët arrinte në rreth 12.5 miliardë lekë.
Kjo rënie e yeldeve për bonot e thesarit këtë periudhë është ndikuar edhe prej ndërhyrjes së Bankës së Shqipërisë në politikën monetare me uljen e normës bazë të interesit që ndërmori në muajin korrik, nisur edhe nga shifrat mjaft të ulëta të inflacionit në vend./abcnews.al
