Romelu Lukaku është thirrur të kthehet në Londër pas përfundimit të huazimit te Interi. Belgu do të kishte dashur të qëndronte në San Siro por negociatat mes Nerazzurrëve dhe “bluve” nuk po shkojnë mirë. Për më tepër, Juventusi ka hyrë në garë dhe Chelsea do të kishte kërkuar një kampion të Juventusit në këmbim të belgut.
Megjithatë, Chelsea do të përpiqet të rikuperojë të paktën pjesërisht nga investimi 115 milionë euro i bërë në vitin 2021 për ta sjellë lojtarin në Londër dhe do të donte të merrte të paktën 40 milionë nga shitja e kartonit të tij.
Një shifër e konsideruar e tepërt për arkat e klubit milanez, i cili po kërkon formulën e duhur për të bindur Chelsea të ulë kërkesat.
Konkurrenca është e ashpër për sulmuesin. Sipas asaj që raporton “Goal”, Juventusi synon ardhjen e belgut në Torino dhe Chelsea do të ishte përgjigjur duke propozuar një shkëmbim për të balancuar kostot.
Në këmbim të Lukakut, ”Blutë” duan të sjellin Dushan Vlahovic. /G.D abcnews.al/
