Loading ...Të gjitha rrugët të çojnë në Romë, këtë herë u zhvendos në Bolonja të Italisë, për të sjellë në vëmendje komuniteti shqiptar atje në kuadër të festave kombëtare.
Një prej tyre është Krenar Gjonzeneli, anëtar themelues i Shoqatës Korabi.
“Banoj në Bolonja prej 33 vitesh kam ardhur si të gjithë shqiptarët e tjerë në fillim, për të kërkuar më të mirën për jetën. Falenderojmë Italinë, që na mirëpriti dhe na dha mundësinë të rregullonim jetën tonë. Jam marr me pikat e karburantin ndërkohë merrem me lulishtet, mirëmbajtjen dhe projektimin e tyre këtu në Bolonja. Jam një nga themeluesit e Shoqatës Korabi ku në këto vite jemi munduar të bëjmë më të mirën për njerëzit në nevojë.
Kam tre vjet që jam anëtar i Këshillit Bashkiak i komunës së Budrës, fraksion i Bolonjës, thotë ai ndërsa thekson se bën pjesë në partinë “Fratelli d’Italia’ të Giorgia Melonit.
Shoqata Korabi ka hapur shkollën në komunën e Bolonjas me nxënësit dhe fëmijët për ti kthyer më shumë nacionalistë, ndërsa kanë organizuar edhe atmosferën festive për festat e 28-29 Nëntorit në komunën e Castenasos” thotë ai.
Drejtuesi i shoqatës “Korabi” Astrit Poti thotë se shqiptarët janë bërë bashkë për të festuar festat e nëntorit.
“Ideja është e përbashkët, në Bolonja janë rreth 57 mijë shqiptarë, është kuqezi. Do kërkojmë që në festat e nëntor cdo shqiptar të vendosë nga një flamur kuqezi. Është kënaqësi kur shqiptarët bëhen bashkë, kemi këtu nga të gjitha rrethet e Shqipërisë. Shkolla Korabi, është gjëja më fantastike, po bëjmë maksimumin të jetë me sa më shumë nxënës.” – u shpreh ai.
