Mesnatën e 18 majit, në Riad të Arabisë Saudite do të zhvillohet dueli i madh i peshës së rëndë në boks mes britanikut Tyson Fury e Oleksandr Usyk.
Një përballje që do të unifikojë titujt kampionë bote, ndaj do të shkruhet historia e këtij sporti.
I bindur për këtë është ukrainasi Usyk, që mban titujt e kategorive WBA, WBO e IBF në peshën e rëndë. “Jam i emocionuar. Le të bëjmë historinë”, u shpreh Usyk.
“Unë jam gati. Nuk kam asgjë për të thënë, përveç se jam gati për një luftë të mirë dhe nëse është e vështirë apo e lehtë, sido që të jetë unë jam gati”, deklaroi boksieri i pamposhtur ukrainas.
“S’më intereson se çfarë thotë Fury, do të flas në ring. Tashmë ka mbetur vetëm një detyrë për të bërë, të marrim gjerdanin e kategorisë WBC, për ta çuar atë në Ukrainë, në vendin që i përket”, tha Oleksandr Usyk./ h.ll/abcnews.al
