Loading ...
Autoriteti Kombëtar i Ushqimit ka bllokuar 7 mijë e 675 kg miell që kishte skaduar prej prillit të vitit të shkuar.
Pas informacionit të marrë nga dogana e Durrësit AKU thotë se ka kryer inspektime në një biznes dhe ka konstatuar produkte ushqimore me afat të kaluar përdorimi.
Sipas AKU produkti do të qëndrojë i bllokuar në magazinën e subjektit deri në asgjësimin e tij.
AKU deklaron se në sajë të forcimit të bashkëpunimit ndërinstitucional dhe kontrolleve në pikat kufitare dhe terren nuk do të tregtohet asnjë produkt i pasigurt për konsum.
