Sekretari amerikan i Shtetit Anthony Blinken tha se zgjedhjet presidenciale në Rusi ishin jodemokratike.
“Kremlini ka margjinalizuar sistematikisht grupet që mbrojnë proceset demokratike dhe sundimin e ligjit, duke përfshirë vëzhguesit e zgjedhjeve.
Autoritetet ruse gjithashtu kanë refuzuar të regjistrojnë kandidatët presidencialë kundër luftës nën pretendime të rreme dhe nuk kanë ftuar Zyrën e Organizatës për Siguri dhe Bashkëpunim në Europë për Institucionet Demokratike dhe të Drejtat e Njeriut, ose ndonjë organizatë ndërkombëtare e besueshme, për të vëzhguar votimet”, tha Blinken.
Ai shtoi se këto lëvizje ilustrojnë “shkallën në të cilën Kremlini u ka mohuar qytetarëve të tij një proces demokratik transparent dhe kuptimplotë”.
/abcnews.al
