SHBA kërkon “diplomaci serioze dhe të qëndrueshme” me Korenë e Veriut, tha Sekretari i Shtetit Antony Blinken, vetëm disa ditë pasi presidenti Joe Biden njoftoi sanksione ndaj shtetit autokratik mbi të drejtat e njeriut.
SHBA ka ende “qëllimin përfundimtar” të denuklearizimit të gadishullit Korean, shtoi Blinken teksa foli me udhëheqësit rajonalë në Universitas Indonesia në Xhakartë, Indonezi.
Ai theksoi aftësitë e armëve bërthamore të Koresë së Veriut ndërsa diskutoi se si SHBA dëshiron të rrisë sigurinë në rajonin Indo-Paqësor.
“Ne do të punojmë me aleatët dhe partnerët për të trajtuar kërcënimin e paraqitur nga programet bërthamore të Koresë së Veriut përmes një qasjeje të kalibruar dhe praktike, duke forcuar gjithashtu parandalimin tonë të zgjeruar”, tha Blinken.
