Sekretari amerikan i Shtetit në një intervistë për CNN, tha se besonte se Izraeli po ndërmerrte më shumë hapa për të mbrojtur civilët në ofensivën e tyre në Gazën jugore.
“Unë u thashë atyre shumë qartë kur isha atje vetëm një javë më parë, ne nuk mund të kemi një përsëritje në jug të asaj që ndodhi në veri, për sa i përket dëmit që u bëhet civilëve”, tha Antony Blinken për CNN.
“Ajo që ne po shohim është se Izraeli ka përcaktuar zonat e sigurta, ku nuk do të ketë zjarr apo ushtri, kjo është pozitive”, u shpreh ai.
Sidoqoftë, zyrtarët e OKB-së i kanë kundërshtuar vazhdimisht këto zona të sigurta, duke thënë se ideja e çdo “zone të sigurt” është një “narrativë e rrezikshme e rreme”.
“Këto janë pjesë të vogla toke djerrë. Ata nuk kanë ujë, nuk kanë lehtësira, nuk kanë strehë nga i ftohti, nuk kanë kanalizime”, tha për BBC-së në fillim të kësaj jave një zëdhënës i Unicef-it, James Elder . Zyrtarë të tjerë të OKB-së dhe vendas kanë bërë gjithashtu thirrje të ngjashme alarmuese.
OKB-ja ka thënë gjithashtu se nuk ka mbetur vend ku të evakuohen njerëzit në jug.
/abcnews.al
