Juventusi ka kryer disa goditje me parametra zero në vitet e fundit. Drejtuesit e bardhezinjve janë treguar të aftë për të afruar lojtarë në fundin e kontratës dhe një prej tyre është Adrien Rabiot. Mesfushori u transferua në Serie A verën e kaluar, por nuk ka bindur me paraqitjet e tij.
25-vjeçari numëron 24 ndeshje të zhvilluara në të gjitha kompeticionet dhe një pjesë të tyren e ka nisur nga stoli. Goli i parë si juventin nuk ka ardhur ende, ndërsa sezonin e ardhshëm do e shohim në Premier League. Kampionët e Italisë e kanë nxjerrë në merkato prej kohësh dhe po presin ofertën e duhur.
Gazzetta dello Sport raporton se Rabiot ka pranuar të largohet dhe dëshiron kalimin në ishull. Dy janë klubet angleze që interesohen për të: Everton dhe Manchester United. Carlo Ancelotti do të garojë me Ole Gunnar Solskjaer për të bindur lojtarin, për të cilin Juventusi kërkon 25 milion euro. /abcnews.al
