Ajgena Korbi
Prej rreth një javë e gjysmë interesi i qytetarëve për t’u vaksinuar ka rënë. Mesatarisht çdo ditë janë kryer rreth 6 mijë doza anti Covid. Ngadalësimin e procesit Iria Preza nga Instituti i Shëndetit Publik e arsyeton me pushimet e festave të nëntorit.
Mbulesa vaksinale me dy doza anti Covid tek personat mbi 16 vjeç ka arritur në 42% ndërsa me një dozë 47%. Ndërkohë që nga një nëntori kur ka nisur aplikimi i dozës së tretë janë kryer mbi 85 mijë vaksinime kryesisht tek të moshuarit.
Prej dy dhjetorit dozën e tretë mund ta kryej çdo person mbi 18 vjeç që ka kaluar gjashtë muaj nga doza e dytë. Ndërkohë brenda muajit vaksinën kundër Covid duhet ta marrin dhe punonjësit e administratës, të supermarketeve dhe qendrave tregtare pasi më 4 janar në punë do të paraqiten ose me kartë vaksinimi ose me test PCR negativ çdo javë./ Abcnews.al
