Aktori i famshëm britanik, Ian McKellen 85-vjeç u transferua në spital pasi u rrëzua nga skena gjatë shfaqjes “Player Kings” në teatrin në Londër, raportoi BBC.
McKellen po kurohet në spital. Ai është në “gjendje shpirtërore të mirë” dhe pritet të bëjë një “shërim të shpejtë dhe të plotë” dhe të kthehet në skenë të mërkurën, tha një zëdhënës i teatrit.
Aktori, i njohur për rolin e Gandalfit në “The Lord of the Rings”, po luante një skenë zënke kur humbi ekuilibrin dhe ra.
Publiku u evakuua nga teatri dhe u njoftua se shfaqja e mbrëmjes nuk do të jepet.
Ndërsa dritat në auditor u ndezën, aktori bërtiti nga dhimbjet dhe stafi i teatrit i erdhi shpejt në ndihmë.
Një shikues i tha BBC-së se incidenti ishte “shumë tronditës”.
“Unë me të vërtetë shpresoj se ai do të jetë mirë. Me sa pashë, ai ishte i vetëdijshëm sepse po kërkonte ndihmë”, tha shikuesi./abcnews.al
