Presidenti amerikan Joe Biden do të bisedojë me liderët e G7, NATO-s dhe Bashkimit Europian për mbështetjen e mëtejshme për Ukrainën. Sipas tyre telekonferenca do të zhvillohet pasditen e së enjtes vonë. Biden po përpiqet të ruajë unitetin në mbështetje të Ukrainës.
Biseda e tij me liderët e tjerë vjen pasi Ukraina vazhdon kundërsulmimin e saj kundër forcave ruse dhe presidenti rus Vladimir Putin po përgatitet të takohet me presidentin kinez Xi Jinping për herë të parë që nga fillimi i luftës në shkurt.
Ky takim do të zhvillohet në margjinat e samitit të Organizatës së Bashkëpunimit të Shangait që do të mbahet nga 15 deri më 16 shtator në Uzbekistan, tha ambasadori rus në Kinë Andrei Denisov, sipas një raporti Tass.
Të dy Putin dhe Xi gjithashtu planifikojnë të marrin pjesë në samitin e Grupit 20 në Bali në nëntor, sipas presidentit indonezian.
Sekretari i Përgjithshëm i NATO-s Jens Stoltenberg tha se lufta “po hyn në një fazë kritike” dhe paralajmëroi për një dimër të ashpër për anëtarët e aleancës ushtarake që mund të përfshijë “shkurtime të energjisë, mbyllje dhe ndoshta edhe shqetësime politike”.
/abcnews.al
