Vladimir Putin ka vetëm një qëllim, të ndajë Perëndimin. Kështu është shprehur presidenti amerikan, Joe Biden për MSNBC. Biden shtoi se vendet perëndimore kanë qenë në gjendje të bashkohen për të siguruar që pushtimi më i rëndësishëm që nga Lufta e Dytë Botërore të mos ketë sukses.
Ai tha se kjo është arsyeja pse vendet perëndimore vazhdojnë të ofrojnë mbështetje të konsiderueshme për Ukrainën. Biden tha gjithashtu se ai është fokusuar në forcimin e NATO-s që kur mori detyrën. Ai tha se ka zgjeruar numrin e aleatëve dhe partnerëve në 40 vende./abcnews.al
