Pasi u rrëzua pas një fjalimi në Akademinë e Forcave Ajrore të enjten, udhëheqësi i SHBA goditi kokën teksa po zbriste nga helikopteri Marine One.
Ndërkohë, duke folur nga Zyra Ovale e Shtëpisë së Bardhë, ai përshëndeti kompromisin midis demokratëve dhe republikanëve në Kongres dhe miratimin e një projektligji që pezullon kufirin e borxhit deri në vitin 2025.
TOUGH WEEK: President Biden hits head exiting Marine One hours after getting ‘sandbagged’. https://t.co/e3QzV8ZDGc pic.twitter.com/iJKD2VNRdR
— Fox News (@FoxNews) June 2, 2023
Ai njoftoi se do të nënshkruajë sot projektligjin, i cili lejon pezullimin për dy vjet deri më 1 janar 2025, pra periudhën pas zgjedhjeve presidenciale të nëntorit 2024, të kufirit maksimal të huamarrjes.
“Askush nuk mori gjithçka që donte, por populli amerikan mori atë që i duhej”, tha Biden, duke theksuar se marrëveshja ishte rezultat i kompromisit.
Ai vlerësoi gjithashtu kreun e Dhomës së Përfaqësuesve, Kevin McCarthy, për rezultatin e negociatave.
“Ne ishim plotësisht të sinqertë me njëri-tjetrin dhe kishte respekt të ndërsjellë. Të dyja palët vepruan me mirëbesim”, theksoi ai.
Sipas Departamentit Amerikan të Thesarit, ekonomia më e madhe në botë kishte kohë deri të hënën, më 5 qershor për të shmangur falimentimin. Marrëveshja u miratua me shumicë dërrmuese të mërkurën nga Dhoma e Përfaqësuesve (314-117) dhe të enjten nga Senati (63-36).
/abcnews.al
