Loading ...
Presidenti amerikan Joe Biden , i cili është zotuar të rivendosë hegjemoninë amerikane pas presidencës së Donald Trump, hap sot Samitin e dytë për Demokracinë, nën hijen e luftës në Ukrainë dhe shqetësimeve për forcimin e fuqisë së Kinës, sipas mediave të huaja.
Ky samit i dytë do të zhvillohet online dhe do të zgjasë 3 ditë. Biden ka ftuar 121 lidërë botërorë, 8 më shumë se herën e kaluar. Për më tepër për të shmangur çdo akuzë për egocentrizëm, ai ftoi edhe liderët e Zambisë, Kosta Rikës, Koresë së Jugut dhe Holandës.
Presidenti Joe Biden, në fjalimin e tij të hapjes tha se do të investohen afro 700 milionë dollarë fonde dhe do të formohet një aleancë e përbashkët kundër teknologjisë së mbikëqyrjes, ndërsa shqetësimi i SHBA-së për Kinën dhe Rusinë vazhdon të rritet.
Biden do të miratojë 690 milionë dollarë financime për të promovuar demokracinë jashtë vendit, duke përfshirë programet për menaxhimin e zgjedhjeve të lira, avancimin e mediave të pavarura dhe forcimin e luftëës kundër korrupsionit, tha një zyrtar amerikan, një angazhim i ri pas 424 milionë dollarëve të miratuara në samitin e parë, raporton abcnews.al.
Administrata Biden do të shpallë gjithashtu një përpjekje të përbashkët me rreth 10 partnerë për të kundërshtuar keqpërdorimin dhe përhapjen e spyware-it, për të cilin Shtetet e Bashkuara kanë frikë se janë bërë një mjet në rritje i Kinës ndërsa fuqia e saj teknologjike rritet.
Vendimi vjen pasi Biden ndaloi qeverinë amerikane të përdorë programe komerciale spyware. Biden mori detyrën duke u zotuar se do të rikthente besueshmërinë e SHBA-së mbi demokracinë.
Por Biden është kritikuar nga disa aleatë për përpjekjen për të punuar me liderët nga të cilët ai dikur premtoi se do të distancohej, duke përfshirë princin saudit të kurorës Mohammed bin Salman, sundimtarin ushtarak të Egjiptit që u kthye në president Fattah al-Sisi dhe Rexhep Tajip Erdogan, i cili ka udhëhequr Turqinë për dy dekada.
Asnjë nga tre liderët nuk u ftua në samit. Shtetet e Bashkuara nuk ftuan gjithashtu Hungarinë, ku kryeministri Viktor Orban ka sfiduar vlerat liberale, si dhe një numër partnerësh të ngushtë të SHBA-së, duke përfshirë Bangladeshin, Singaporin dhe Tajlandën.
Izraeli do të marrë pjesë, por Biden të martën e bëri të qartë shqetësimin e tij lidhur me përpjekjen e kryeministrit Benjamin Netanyahu për të minuar pavarësinë e gjyqësorit, raporton abcnews.al.
Shtetet e Bashkuara kanë qëndruar kryesisht në heshtje ndaj Indisë, e cilësuar se ka vepruar si një mburojë kundër Kinës, ku autoritetet nën kryeministrin Narendra Modi kanë shtypur lirinë e medias dhe javën e kaluar kanë përjashtuar liderin e opozitës Rahul Gandhi nga parlamenti.
Biden ftoi gjithashtu rivalin historik të Indisë, Pakistanin, ku Imran Khan një vit më parë u rrëzua si kryeministër dhe u akuzua për një sërë çështjesh, megjithëse Islamabadi, një partner i ngushtë i Kinës, tha se do të punonte me Shtetet e Bashkuara në mënyrë dypalëshe në vend që të merrte pjesë në samit.
/abcnews.al
