Janë bërë publike detajet e bisedës telefonike mes presidentit turk, Recep Tayyip Erdoğan, me Joe Biden, gazeta Hürriyet, përmes korrespondentit të saj, në Ankara.
Sipas raportimeve, në bisedën e zhvilluar të hënën, Biden dyshohet se ndër të tjera i ka thënë homologut të tij turk se nuk mendon që është “e drejtë ndërhyrja e Perëndimit ndaj tij.”
Biseda e Biden me Erdoganin ka habitur edhe delegacionin e presidentit turk që ishte në Ankara. Biden raportohet të ketë thënë: “Unë nuk mendoj se ndërhyrja e Perëndimit kundër jush është e drejtë.”
Më pas presidenti amerikan ka shtuar: “Unë dua të shtyj çështjen e F-16 ,por ka një kërkesë për Suedinë në Kongres”.
“Delegacioni turk nuk komentoi për këtë çështje”, shtoi korrespondenti i Hürriyet në një emision televiziv.
Në një pikë tjetër, duke kujtuar rolin e Turqisë si ndërmjetëse në luftën Rusi-Ukrainë, gazetari bëri po ashtu të ditur se shumë krerë shtetesh të huaja dhanë informacione për praninë e tyre në ceremoninë e së shtunës.
Putin do të vizitojë Turqinë. Pas Putinit, në Turqi do të vijë edhe presidenti i Ukrainës Zelensky. Gjatë vizitave të Putinit dhe Zelenskit do të diskutohet rrjedha e luftës dhe ai që është quajtur “korridori i grurit”.
/abcnews.al
