Rilindja e Beyonce-s po fillon. Ajo ka publikuar kopertinën e albumit të saj “Renaissance” që do të publikohet me 29 Korrik. Këngëtarja me famë botërore shfaqet pothuajse e zhveshur. Kjo është një nga fotot më seksi të divës së muzikës, pasi mbulon vetëm pjesët e diskutueshme të trupit të saj.
Beyonce ka dhënë dhe një shpjegim se çfarë ka dashur të përcjellë me këtë projekt. “Krijimi i këtij albumi më dha hapësirë për të ëndërruar dhe për të gjetur shpëtim gjatë një kohe të frikshme për botën. Më lejoi të ndihesha e lirë dhe aventuriere kur koha kalonte shumë ngadalë.
View this post on Instagram
Synimi im ishte të krijoja një vend të sigurt, një vend pa gjykim. Një vend për të qenë e lirë nga perfeksionizmi dhe mendimi i tepërt. Një vend për të bërtitur, çliruar, për të ndjerë lirinë. Ishte një udhëtim i bukur eksplorimi. Shpresoj të gjeni gëzim në këtë muzikë.
Shpresoj që t’ju frymëzojë të kërceni pak. Dhe të ndihesh po aq unike, e fortë dhe seksi sa je”, ka shkruar diva e muzikës. /abcnews.al
