Loading ...TIRANË– Pas humbjes së zgjedhjeve të 11 majit, Sali Berisha nuk mund të vijojë të rrijë më në krye të Partisë Demokratike.
Kështu u shpreh avokati Romeo Kara, i cili në një intervistë për ABC NeWs tha se Berisha vijon të përdorë një retorikë për të justifikuar humbjen, por kjo strategji tha ai është e kotë.
Sipas tij, Sali Berisha e ka marrë peng Partinë Demokratike dhe në këto kushte demokratët duhet të mblidhen dhe të kërkojnë zbatimin e statutit, i cili parashikon se një kryetar partie në rastet kur humbet zgjedhjet e përgjithshme, ai duhet të largohet nga drejtimi i partisë.
“Retorika e Saliut bëhet për të mbajtur pushtetin në PD. Ai si person, sipas statutit të PD, duhet të japë dorëheqjen dhe të mos jetë më kryetar i PD. Kjo flet për një pengmarrje të PD. Zgjedhjet ai i ka njohur. Të mblidhet Kuvendi i PD. Ligjshmëria e tij brenda partisë ka rënë. Në bazë të statutit të PD, ai nuk mund të jetë më kryetar i PD. Demokratët të çohen dhe të kërkojnë respektimin e statutit të Partisë Demokratike”, tha ai.
