Loading ...Avokati Arbër Hoxha e cilëson premtim elektoral deklaratën e kryedemokratit Sali Berisha, i cili ka thënë se do të shkrijë SPAK nëse vjen në pushtet.
Në një intervistë për “Newsline” në ABC News, Hoxha u shpreh se kjo është e pamundur, pasi duhen 94 vota, pra 3/5 e votave në parlament.
“SPAK është investim i SHBA dhe BE. Nëse do të bëjmë krahasim me vendet e rajonit, të cilat edhe janë anëtare të BE, si Rumania dhe Bullgaria, kanë pasur në hapjen e negociatave, kanë pasur reformën në drejtësi. Edhe vendet e tjera të rajonit, pjesërisht Maqedonia, Serbia, Mali i Zi kanë bërë reforime, edhe institucione të reja të drejtësisë. Ka dy të vërteta. E para, reforma në drejtësi është iniciuar nga 2013-2016, që përkon me qeverisjen e PS. Së dyti, a kemi të bëjmë me një reformë të suksesshme? Reforma në drejtësi, në tërësi, është mbështetur nga PS dhe ndërkombëtarët, por në tërësi, nuk i ka dhënë drejtësinë e munguar shqiptarëve.
Reforma në drejtësi, aktualisht nuk jep drejtësi, shqiptarët e kanë shumë të vështirë të marrin drejtësi. SPAK po funksionon deri diku, por reforma në drejtësi ka kolapsuar. A do të shkrihet SPAK nëse vjen PD? Për të shkrirë SPAK, duhen 94 vota, 3/5 e parlamentit. Është premtim elektoral. Është e pamundur të ndryshosh SPAK, asnjëra prej mazhorancave të mundshme në shtator, nuk do t’i kenë 94 vota”, theksoi ai./abcnews.al
