Artisti i njohur G-Bani ishte i ftuar në emisionin “Abc-ja e mëngjesit” për të folur për projektet e tij më të fundit, që e rikthyen atë pas kaq vitesh mungesë në tregun muzikor.
Një ndër këngët e tij më të suksesshme ishte dhe “Të dua”, një bashkëpunim me Crazy Girl që u kthye në hitin e vitit 2006. Por, edhe pse ndër projektet muzikore më të mira të tij që është mbajtur mend për shumë gjatë, G-Bani tha se nuk është një nga projektet e tij të preferuara.
“E kam një keqardhje që është kjo një nga hitet e mia më të mëdha. Do të doja të mbahehsin mend të paktën edhe ato klasiket e tjera. Nuk është dhe një nga këngët e mia të preferuara, tek kjo kënga kam ekspozuar shumë atë Arbanin e vogël që ishte në dashuri me atë gocën, dhe sigurisht nuk është nga ato pikat tipike.”, tha ai. /abcnews.al/
