Ish-mbrojtësi i Interit, Giuseppe Bergomi, ka një propozim për klubin zikaltër. Italini kërkon që Interi të futet në garë për shërbimet e mesfushorit të Manchester United, Paul Pogba. Ka disa muaj që francezi flitet se do të largohet nga “Old Trafford” dhe mediat aludojnë për një rikthim të tij tek Juventusi.
”Nëse klubi i ka mundësitë ekonomike për të blerë një lojtar si Pogba, atëherë duhet ta transferojë menjëherë atë. Është e vërtetë që ai nuk ka qenë në formën e tij më të mirë në sezonet e fundit, por unë jam i bindur se Paul do të rikthehet më i fortë se kurrë”, deklaron Bergomi për “La Gazzetta dello Sport”.
”Jam i sigurt se ai do të përshtat shumë shpejt dhe falë fizikut e tekinkës që zotëron, Pogba do ta dominojë sërish Seria A. Janë shumë pak lojtarë në qarkullim si ai. Mendoj se dhe bashkëpunimi me Conten do t’i bënte mirë francezit, pasi do ti nxirrte në pah aftësitë e vërteta të Paul. Unë ende ngulmoj se Interi duhet të investojë tek lojtarët e rinj, si për shembull Sandro Tonali apo Manuel Locatelli”, mbyll ish-mbrojtësi. /abcnews.al
