Mund të bëni shumë gjëra argëtuese atë ditë dhe të kaloni mirë edhe nëse jeni vetëm. Sigurisht, të qenit beqar në këtë ditë nuk do të thotë domosdoshmërisht që duhet ta kaloni ditën vetëm.
Për t’ju ndihmuar, ne kemi mbledhur një listë me gjëra tepër argëtuese që mund të bëni për të llastuar veten.
Organizoni një darkë vetëm për beqarë
“Harrojini” miqtë që janë në një lidhje dhe kanë plane për ditën e të dashuruarve. Në vend të kësaj, organizoni një darkë vetëm për beqarë. Kalimi i kohës me miqtë tuaj më të mirë është një mënyrë e jashtëzakonshme për të festuar ditën e dashurisë, pa romancë. Gatuani darkën, kërceni gjithë natën dhe mos harroni të bëni dolli për veten tuaj.
Programoni një datë me mikun tuaj më të mirë
Organizoni një takim me mikun tuaj më të mirë dhe kaloni pak kohë cilësore me të. Planifikoni ditën paraprakisht dhe kënaquni duke bërë aktivitetet tuaja të preferuara gjatë kohës që jeni bashkë. Në fund të fundit, lidhjet e forta miqësie janë diçka që ia vlen të festohet dhe pse jo t’i bëni një dhuratë.
Arratisje të vogla
Nëse mundeni, merrni një ditë pushimi, paketoni valixhet dhe zgjidhni destinacionin tuaj të preferuar. Nëse ende nuk mund të largoheni nga puna, merrni parasysh idenë e një ekskursioni të vogël.
Lexoni
Libri mund të jetë aleati juaj më i mirë për atë ditë. Nëse ju pëlqen të lexoni libra dhe të udhëtoni nëpër histori fantastike dhe dashuri pasionante, atëherë kushtojini ditën një libri.
Spa në shtëpi
Përfitoni nga gjithë koha që keni në dispozicion dhe trajtojini vetes një manikyr, pedikyr , apo edhe një sallon flokësh.
Nëse ende nuk dëshironi të dilni, atëherë bëni një spa në shtëpi. Mbushni vaskën tuaj, ndizni qirinj dhe krijoni një atmosferë vetëm për ju. Zbrazni mendjen nga mendimet e pakëndshme dhe patjetër do të ndiheni më të lehtë më pas.
Shopping
Nuk ka asgjë më të mirë se të shpenzoni gjithë kohën tuaj për dhurata vetëm për ju. Parfume, ora, bizhuteri , komplete make-up dhe gjithçka tjetër që do t’ju gëzojë./abcnews.al
