Një ndër emrat më të përfolur për merkaton e verës në vijim, si dhe një nga talentët më të mëdhenj të futbollit, Jude Bellingham ka folur ditën e sotme për mundësinë që kanë “verdhezinjtë” e Borussia Dortmund, për t’i dhënë fund “mbretërimit” të Bayern Munich, pas 10 sezoneve të fituar radhazi në Bundesliga.
Për mediat gjermane, Bellingham tha se ende nuk ka marrë fund çdo gjë, me diferencën mes skuadrave që është vetëm 1 pikë dhe gjithësej kanë mbetur edhe 5 javë nga Kampionati gjerman i futbollit.
“Një javë më parë na dukej sikur ishim jashtë garës, na kosnideruan të përfunduar, “të vdekur”. Megjithatë, nuk dua të flas shumë për këtë dhe të vendos veten në pozicionin ku duket se tashmë kemi fituar. Na kanë mbetur edhe pesë ndeshje të komplikuara”,- u shpreh Bellingham për garën e “ethshme” në Bundesliga. /i.m /abcnews.al
