Belgjikë/ Përgatisnin sulme terroriste për në Francë, arrestohet çifti iranian

Një çift, me origjinë iraniane është arrestuar në Belgjikë me akuzën se po përgatisnin një atentat terrorist në Francë. Sipas hetuesve, ata dëshironin të godisnin një tubim të grupit të opozitës “Muxhahedin të popullit Iranian”. Gjatë kontrollit, policia belge ka gjetur dhe sekuestruar 500 gram eksploziv në makinën e çiftit. Sipas asaj që raportojnë medial lokale, dy shtetasit me pasaportë belge, jetonin në një qytezë afër Anversës. Ndërkohë, edhe në Francë është arrestuar një person i dyshuar si bashkëpunëtor i tyre dhe dy të tjerë janë marrë në pyetje. Gjithashtu në Gjermani është ndaluar një person i kontaktuar nga çifti, i cili është një diplomat Iranian që punonte në ambasadën e Iranit në Austri. /abcnews.al