Beatrix Ramosaj prej disa kohësh është distancuar nga muzika, duke mos sjellë asnjë projekt të ri. Por, artistja shqiptare nga Kosova qëndron pranë fansave të saj, duke qenë sa më aktive në rrjete sociale.
Së fundmi, 26-vjeçarja ka tërhequr vëmendjen me foton që ka ndarë me ndjekësit në Instagram, ku pozon e veshur me bikini. Ndërsa, fansat e kanë komplimentuar për linjat perfekte trupore dhe për thjeshtësinë që e karakterizon.
Por, kanë qenë të shumtë ata që e kanë akuzuar krijuesen e hitit “Pa ndjenjë” për përdorim photoshopi. “Nuk je mbi 1.60 e gjatë e dashur, nuk e di pse zgjatesh kaq shumë”, “Shumë i ke zgjat këmbët me fotoshop, sepse krejt e dimë që nuk je kaq e gjatë”, kanë shkruar disa ndjekës.
“Pa ndjenjë”, është kënga e fundit që ka publikuar Ramosaj, ndërsa nuk dihet nëse këngëtarja po punon për të sjellë diçka të re këtë verë. /abcnews.al
