I ftuar në emisionin “Ballkan” të gazetares Linda Karadaku në ABC News, analisti Ardian Arifaj komentoi faktin që Bashkimi Evropian këtë herë do të ndjekë implementimin e planit që është prezantuar për dialogun Kosovë – Serbi.
Në lidhje me zgjedhjet që pritet të mbahen në veri të Kosovës për ri integrimin e serbëve në institucionet e Kosovës, në Serbi kanë kërkuar që së pari të formohet Asociacioni.
“Deri më tani, kanë kërkuar që së pari të formohet Asociacioni dhe më pas të bisedohet për rikthimin e serbëve në institucioneve.
Qeveria ka refuzuar që ta themelojë një Asociacion një etnik, por dëshiron multientik, që është refuzuar.
Ajo që është kontestuese në Kosova nuk është emri, por e një institucioni që mund të cënojë shtetësinë e Kosovës,” u shpreh Arifaj.
Është paralajmëruar se kjo është mundësia e fundit për Kosovë dhe Serbinë dhe në rast se nuk do të ketë edhe këtë herë një marrëveshje, rrezikohet izolim ndërkombëtar.
Analisti u shpreh se nuk dihet se cilat do të jenë sanksionet, ndërsa theksoi se është e vërtetë që rrezikohet rikthimi i një statukuoje e një modeli qipriot.
“Në fakt ky është shqetësimin kryesor, ndaj pritet me ankth e hëna. Por edhe çfarë do të ndodhë më pas edhe me implementimin e këtyre pikave.
BE mendon të ketë një trupë që do të ndjekë implementimin e tyre, por nuk kemi dëgjuar se cilat do të jenë sanksionet për atë që nuk i implementon.
Duket sikur palët e kanë kuptuar që nëse njëra palë refuzon do të fillojnë sanksionet. Nuk kemi ende qartësi,” përfundoi ai.r.t/abcnews.al
