Bashkimi Europian ka arritur marrëveshje politike për të rritur prodhimin e municioneve në një milion copë në vit. Akti në mbështetje të prodhimit të municioneve (ASAP), i propozuar në maj nga Komisioni i BE-së, parashikon një fond prej 500 milionë eurosh nga buxheti i BE-së për bashkëfinancimin e projekteve kombëtare industriale për municionet dhe i hap rrugën vendeve për të përdorur fondet për prodhimine tyre.
Plani do të ndihmojë në rritjen e dërgesave të armëve artilerie në Ukrainë. Nënshkrimi përfundimtar dhe hyrja në fuqi pritet në fund të korrikut.
Ndëkohë për arritjen e marrëveshjes ka reaguar dhe presidentja e Komisionit Europian, Ursula von der Leyen.
“Unë mirëpres marrëveshjen politike mbi ASAP. Ligji që mbështet prodhimin e municioneve do të rrisë kapacitetin e prodhimit të BE dhe do të rimbush stoqet.
Kjo do të përshpejtojë dërgimin e municioneve në Ukrainë në këtë fazë vendimtare të luftës,” tha von der Leyen, pas marrëveshjes së arritur mes Këshillit të BE-së dhe Parlamentit Europian.
/abcnews.al
