David Alaba dhe Bayern Munchen nuk ia kanë dalë të gjejnë akordin për rinovimin. Kontrata e austriakut me kampionët e Gjermanisë dhe të Europës, përfundon në fund të këtij sezoni.
Drejtuesit janë të detyruar ta shesin “xholin” e ekipit në merkaton e janarit, por Hans-Dieter Flick e ka frenuar një gjë të tillë. Trajneri e cilëson shumë të rëndësishëm 28-vjeçarin dhe dëshiron ta ketë në skuadër deri në fund të sezonit.
Bild raporton se Flick i ka kërkuar drejtuesve bavarezë të mos e shesin Alaba në merkaton e janarit, me këtë të fundit që do të largohej me parametra zero.
Një gjë e tillë shton kohën për të arritur një marrëveshje për rinovimin, teksa Liverpool e kërkon që në janar lojtarin e kombëtares austriake, duke llogaritur dëmtimet e shumta që kanë ndodhur tek ekipi i Jurgen Klopp. /abcnews.al
