Bayern Munich është në kërkim të nëj qendërmbrojtësi, pas dëmtimit të Niklas Sule, i dëmtuar në gju. Bavarezët e kanë piketuar një qendërmbrojtës dhe është kampioni i Europës me U21 të Spanjës, Unai Nunez. 22-vjeçari prej kohësh është ndjekur nga gjermanët, që në janar duan të ndërhyjnë për të përforcuar skuadrën.
Së fundmi Bayern ka mësuar rreth interesimit të Athletic Bilbao për Javi Martinez, për të cilin bavarezët paguan klauzolën prej 45 milionë eurosh për ta transferuar në Bundesliga. Klubi gjerman po mundohet ta shfrytëzojë këtë situatë.
Kështu, momentalisht raportohet se te kampionët e Gjermanisë po e shqyrtojnë mundësinë për të shkëmbyer Martinez me Nunez. 31-vjeçari nuk po gjen hapësira te Bayern dhe te Bilbao mund të ndihmojë me eksperiencën e tij. /abcnews.al
