Ndoshta, gjithçka është e pranueshme, pas triumfit në Champions.
Bajerni u ndal për herë të dytë radhazi në Bundesligën gjermane, këtë herë në barazim 1-1 në Berlin.
Pas humbjes në shtëpi me Bohumin, të shtunën e kaluar me shifrat 2-3, bavarezët nuk arritën dot të fitonin në fushën e Unionit.
Kryeqytetasit përballuan potencialin shumë më të madh të rekordmenëve të titujve, edhe pse u goditën nga goli I shënuar nga Leroi Sane.
Në një përballje të dominuar në zotërim topi dhe në gjuajtje, kryesuesit e tabelës gjithsesi kaluan në epërsi vetëm 15 minuta para fundit.
Edhe kjo nuk mjaftoi sepse Unioni pati besim. Vendasit u treguan shumë të saktë, duke realizuar thuajse po aq goditje në kuadrat sa edhe bavarezët, dhe barazuan në minutën e 83-të.
Autor i golit Benedikt Holerbah.
Sidoqoftë, skuadra e trajnerit Vinsent Kompani nuk duket shumë e shqetësuar, edhe sepse realizoi objektivin e madh, kualifikimin për në çerekfinale të Championsit pasi eliminoi rivalin Leverkusen.
Diferenca me Leverkusenin e vendit të dytë në Bundesligë është e madhe, ndërsa Bajerni kryeson kampionatin me 62 pikë, kur duhen edhe 8 javë deri në përfundim./abcnews.al
