Në një konferencë për shtyp të mbajtur sot, presidenti i klubit të basketbollit për meshkuj të ekipit të Teutës, Kreshnik Leka, është shprehur optimist për objektivin kryesor që ka ekipi i tij për këtë sezon.
“Kampionati ka ecur shumë mirë. Kemi patur që në fillim objektiv të mbrojmë titullin.
Një tjetër objektiv ishte të fitonim kupën por për fat të keq nuk arritëm ta merrnim. Këtë sezon kemi besim se do të mund ta plotësojm objektivin tonë të parë për ta mbrojtur titullin e kampionit.”
Më pas Leka është pyetur gjithashtu edhe për interesimin e tifozëve për këto ndeshje.
“Padiskutim, vitet e fundit është rritur interesi për arritjet në bazë të arritjeve që ne kemi në basketboll.
Ndeshja, finalja e parë që ne kemi, ka shfaqur një interes të lartë për tifozët. Interesimi tek ndjekësit e basketbollit është 100%.”
Ndeshjen e radhës Teuta e ka ndaj ekipit shkodran të Vllaznisë më datë 14 maj./ h.ll/abcnews.al
