Loading ...Zëvendës presidenti i Diasporës shqiptare në Itali, Dritan Trimçev thotë se një pjesë e marrëveshjeve mes qeverisë shqiptare dhe asaj italiane, të nënshkruara nga kryeministrat Edi Rama dhe Giorgia Meloni, do të nisin zbatimin së shpejti.
Në emisionin “Sheshi i Dollarit” në ABC News, Trimçev u shpreh se mund të ketë vështirësi, lidhur me përgatitjen e terrenit për zbatimin e këtyre marrëveshjeve.
“U informova sa i përket situatës së këtyre marrëveshjeje. Janë marrëveshje operative që janë firmosur, për gjysmën e tyre do fillojë zbatimi. Janë memorandumet e bashkëpunimit, memorandumet do fillojnë më vonë, duhen dokumentet përkatëse. Më pas janë deklaratat politike, që janë simbolike. Vështirësitë do të jenë të mëdha. Me siguri, duhet përgatitur terreni. Çdo marrëveshje ka nevojë të ushqehet nga shumë anë.”, theksoi ai./abcnews.al
