Kryedemokrati Lulzim Basha i ka bërë thirrje qytetarëve shqiptarë në Maqedoninë e Veriut që të bëjnë regjistrimin duke u bërë pjesë e procesit që do të mbyllet në 21 Prill. Në përfundim të takimit me zv. Kryeministrin e parë të Maqedonisë së Veriut, Artan Grubi, Basha ceku disa nga fushat në të cilat do të bashkëpunohet mes dy vendeve me ardhjen e PD në pushtet.
“Mirëpritja zv. Kryeministrin e parë të Maqedonisë së Veriut Artan Grubi. Në konstitucionin e qeverisë së Maqedonisë së Veriut dhe mbajtja e pozicionit nga një përfaqësues shqiptar i bashkangjitet avancimit të bashkëkombasve tanë. Dëgjova në vetën e parë nga Grubi disa prej avancimeve kuptimplota të shqiptarëve në Maqedoninë e Veriut. E sigurova Grubin që do të vazhdojë deri në lidhjen përmes rrugës me Maqedoninë e Veriut.
Folëm edhe për bashkëpunime në fusha të tjera. Censusi në Maqedoninë e Veriut lidhet me të drejta e shqiptarëve në Maqedoninë e Veriut. Regjistrimi është i rëndësishëm për të reflektuar detyrimet që burojnë nga Kushtetuta e Maqedonisë së Veriut. Jam në kohë për të drejtuar një thirrje në emër të PD dhe koalicionit tonë, dhe jam i bindur në emër të çdo shqiptari, për emigrantët shqiptarë në Maqedoninë e Veriut.
Ndani 10 apo 15 minuta dhe kryeni regjistrimin online. Ju jeni dëshmitarë të betejave që keni përjetuar në shekullin e kaluar për ekzistencë si dhe betejës së vazhdueshme që kulmoi me marrëveshjen e Ohrit. Tani që Maqedonia e Veriut po kthehet në partnere të devotshme, është vetëm në dorë tuaj dhe nuk ka nevojë më që të bashkoheni. Bëni detyrën tuaj duke u bërë pjesë e procesit të regjistrimit që mbyllet në 21 Prill”, u shpreh Basha./mv.abcnews.al
